Presidenti Macron fton në takim heroin emigrant që shpëtoi jetën e fëmijës (Foto)
Personi i cili kishte shpëtuar gjatë mbrëmjes të së shtunës një fëmijë në Francë i cili ishte duke u rrëzuar nga ballkoni, është një emigrantë nga Mali.
Mamoudou Gassama, 22 vjeç, po konsiderohet si hero pasi ai arriti të shpëtoi fëmijën 4 vjeçar, i cili ishte gati të rrëzohej nga apartamenti i tij në Paris.
Ky moment që zgjati 30 sekonda, u kap nga në video dhe ajo u bë virale shumë shpejt, transmeton Indeksonline.
Gassama, i cili ka mbërritur në Francë disa muaj më parë “duke ëndërruar të ndërtojë jetën e tij”, është ftuar të takohet me presidentin francez Emmanuel Macron në Pallatin Elysee sot.
Kryebashkiaku i Parisit Anne Hidalgo është zotuar se do e ndihmojë atë të vendoset në Francë.
Pa menduar se po rrezikonte veten, Gassama-s iu dashën vetëm disa sekonda për ta shpëtuar jetën e fëmijës.
Ekipet e zjarrit ishin alarmuar për incidentin, nga një fqinj, i cili në video mund të shihet me deshpërim duke u përpjekur ta rrëmbej djalin nga ballkoni i tij.
Fqinji për shkak të një gardhi që ishte në mes të ballkoneve nuk mund ta kapte mirë atë. /Indeksonline/
Heroi ngjitet për ballkone në katin e katër, për të shpëtuar jetën e një fëmije (Video)