Presidenti Thaçi udhëton jashtë vendit, ja agjenda e tij 

Mëngjesin e sotëm presidenti i vendit, Hashim Thaçi si dhe kryeministri, Ramush Haradinaj janë parë në Aeroportin e Prishtinës ‘Adem Jashari.

Por ky takim i tyre nuk ishte vetëm një përshëndetje e rastësishme në mes dy krerëve, pasi presidenti Thaçi ka udhëtuar gjithashtu jashtë vendit.

Burime të Indeksonline brenda presidencës bëjnë të ditur se Thaçi tashmë ka udhëtuar për në Kanada, si pjesëmarrës në Forumin Ndërkombëtar të Sigurisë në Halifax.

Vizita në fjalë do të jetë disa ditore dhe se presidenti do të jetë folës kryesorë në këtë Forum, ku të mbledhur do të jenë më shumë se 300 përfaqësues të shteteve të ndryshme të botës.

Gjithashtu presidenti Thaçi, pritet të zhvillojë takime të ndryshme me përfaqësues të Kanadasë./Indeksonline/