21:50 / E Martë, 28 Nëntor 2017 / indeksADMonline
Presidenti tregon cilët janë tre përvjetorët më të rëndësishëm në historinë shqiptare
Presidenti Thaci, i cili sot ishte në Vlorë për të shënuar 105 vjetorin Pavarësisë së Shqipërisë, ka thënë të bashkuar si sot duhet të punojmë që vitin 2018 ta shndërrojmë në vit evropian për shqiptarët.
Ai ka treguar edhe cilat janë tre përvjetorët më të rëndësishëm të historisë shqiptare.
“Viti mbarëkombëtar i heroit Gjergj Kastrioti – Skënderbeu, 105 vjetori i Pavarësisë së Shqipërisë dhe 10 vjetori i Pavarësisë së Kosovës, tre përvjetorë të rëndësishëm të historisë shqiptare të jetësuar si frymëzim i njëri-tjetrit. Të bashkuar si sot, të punojmë që vitin 2018 ta shndërrojmë në vit evropian për shqiptarët”, ka shkruar Thaci.
