Presidentja mbledh liderët, nis takimi që mund të përcaktojë fatin e Qeverisë

Ka nisur takimi i thirrur nga presidentja Vjosa Osmani me liderët e partive politike parlamentare.

Takimi, po zhvillohet me dyer të mbyllura, ku dhe pritet të merret vendimi për një mandatar të ri, ose edhe për zgjedhje të reja parlamentare. transmeton IndeksOnline.

Në takim po marrin pjesë përfaqësuesit e partive kryesore politike: Lëvizja Vetëvendosje, Partia Demokratike e Kosovës, Lidhja Demokratike e Kosovës, Aleanca për Ardhmërinë e Kosovës dhe Nisma Socialdemokrate.

Osmani pritet të kërkojë nga liderët përgjegjësi institucionale dhe vullnet për zgjidhje politike, në mënyrë që vendi të mos hyjë në një periudhë të gjatë paqartësie.

Ky takim vjen në një moment delikat politik, pas zhvillimeve që çuan në rrëzimin e Qeverisë dhe përpara afateve kushtetuese për formimin e një ekzekutivi të ri.