15:45 / E Hënë, 15 Prill 2024 / LB

Prilli do të na befasojë, priten erëra të forta dhe rënie temperaturash deri në 11 gradë, të enjten mund të bie borë

Mendim Rugova paralajmëroi sot në Gjesi në T7 se këtë javë do të ketë “një rënie drastike e temperaturave na pret deri kah mesi i javës” dhe reshie.

Ai tha se do të ketë “masa të ftohta ajrore gjatë kësaj jave”.

“Kështu që, pritet një depërtim i masave të frohta. Dhe natyrisht, me këto fusha të ulëta, të presionit të ulët, patjetër që moti do të jetë më i paqëndrueshëm, kështu që pritet të ketë edhe të reshura gjatë kësaj jave”, tha Mendimi.

Mendim Rugova tha se nesër mund të ketë erëra të forta që në disa pjesë të vendit mund të shkaktojnë dëme.

“Nesër mund të ketë më shumë erë. Vende-vende, sidomos në pjesë të Dukagjinit ose të Drenicës mund të jenë pak më të theksuara, deri në 70 km/h dhe ndoshta mund të ketë edhe dëme, nëse ka konstruksione të dobëta”.