Princi William, i zemëruar me shkrimet për shëndetin e Kate Middleton

Princi William u zemërua me atë që po shkruhej për gruan e tij Kate Middleton, ndërsa ajo u diagnostikua me kancer dhe po luftonte në betejën e saj personale

Princi William ndjehet i zemëruar me teoritë e konspiracionit dhe thashethemet që qarkullonin në internet për gruan e tij Kate Middleton përpara se të zbulohej se ajo vuante nga kanceri.

Situata u zbulua nga një ish-zyrtar i pallatit, i cili i tha revistës People se Princi William ishte i mërzitur dhe i zemëruar për thashethemet që po mbysnin Princeshën e Uellsit, citon noa.al.

“Princi William ndonjëherë është kokëfortë. Dhe kujdesi i theksuar për jetën familjare do t’i japë atij forcën për ta kaluar atë,” vuri në dukje korrespondenti mbretëror Valentine Low.

Thashethemet për Kate Middleton filluan të qarkullojnë në fillim të këtij viti kur nëna e tre fëmijëve mbajti një profil të ulët pas operacionit abdominal në janar.

Ishte në fillim të marsit që Kate Middleton u fotografua për herë të parë pothuajse dy muaj më vonë dhe më pas u publikua një foto e saj e redaktuar që ngjalli edhe më shumë shqetësim.

Në foton e redaktuar, ajo ka pozuar me tre fëmijët, Princin George, Princeshën Charlotte dhe Princin Louis për Ditën e Nënës në Britaninë e Madhe.

Disa përdorues të mediave sociale akuzuan Kate Middleton se iu nënshtrua një operacioni më serioz sesa pretendonte pallati.

Nuk ishin të paktë ata që pohuan se mes mbretit të ardhshëm dhe gruas së tij kishte probleme martesore, duke pretenduar se ai kishte një lidhje me aristokraten britanike Rose Hanbury. Thashethemet u mohuan nga Rose Hanbury.

Pastaj ata kërkuan falje

Disa yje që bënë komentet e tyre, duke përfshirë Stephen Colbert dhe Blake Lively, janë detyruar të kërkojnë falje pas zbulimit tronditës të Kate Middleton se ajo ka kancer.

Kate Middleton ndau diagnozën e saj me pjesën tjetër të botës në një video-mesazh emocionues.

“Ekipi im mjekësor më ka këshilluar që t’i nënshtrohem një programi të kimioterapisë parandaluese dhe tani jam në fazat e hershme të këtij trajtimi”, tha Kate Middleton në video-mesazh.

Princesha e Uellsit zbuloi se ajo dhe Princi William bënë çmos për ta gëlltitur dhe menaxhuar privatisht për hir të familjes së tyre.

Që nga zbulimi i diagnozës, Kate Middleton nuk është kthyer në detyrat e saj mbretërore.

Muajin e kaluar Princi William dha një përditësim të rrallë se si po ecën Kate Middleton mes problemit të saj shëndetësor.

“Gjithçka është në rregull, po, faleminderit. Gjithçka po shkon mirë”, i tha ai një qytetari gjatë vizitës së tij në veri të Anglisë.