Prishtina e Re e shtrin “Tokin” për toke në debutim

Prishtina e Re e ka fituar derbin e kryeqytetit ndaj Prishtinës, i vlefshëm për javën e 15-të të Superligës.

Ndeshja e cila u zhvillua në stadiumin ”Sami Kelmendi” në Lipjan, përfundoi me rezultat 4-1, shkruan IndeksOnline.

Kjo ndeshje kishte një rëndësi të veçantë, pasi dy trajnerët, Qëndrim Kida debutoi te Prishtina e Re, derisa Afrim Tovërlani te Prishtina.

Ndeshja nisi me një gol të shpejtë, ku futbollisti i bardhekaltërve, Boueye shënoi autogol vetëm pas 28 sekondave lojë.

Futbollisti nigerian, Amos Adet dyfishoi rezultatin për Prishtinën e Re, në minutën e 22-të.

Tetë minuta më vonë, Gjelbrim Taipi ngushtoi rezultatin, duke ndezur derbin.

Por nuk vonoi shumë dhe Elvis Penci riktheu epërsinë prej dy golave për skuadrën e cila këtë sezon debutoi në elitën e futbollit kosovar.

Fitoren e Prishtinës së Re e vulosi goli i Donat Hasanaj, në minutën e 74-të.

Përkundër kësaj humbje, Prishtina vazhdon të jetë lidere e tabelës, së paku deri nesër, me 26 pikë, derisa Prishtina e Re, renditet në vendin e fundit, me 12 pikë të grumbulluara./IndeksOnline/