Prishtina ia hedh fajin referit për eliminim nga Europa League

Prishtina u eliminua nga Europa League pasi u mposht nga St Joseph’s me rezultat 2-0.

Në pjesën e dytë nënkampionët e Kosovës luajtën me dy lojtarë më pakë pas ndëshkimit me të kuq të Bekteshit dhe Dallkut.

E për këtë humbje Prishtina fajëson gjykimin e dobët si shkak për eliminimin nga Europa League.

Ky është njoftimi zyrtar i klubit rreth ndeshjes së sotme:

Ka kohë që nuk kemi parë në ndeshjet e Evropës gjykim më skandaloz se sa sot nga gjyqtari amator nga San Marino. Megjithatë, ai nuk bëri ndonjë gjë aq të madhe, vetëm sa i ndihmoi Prishtinës të fundoset edhe më.

Ishte Prishtina që ashtu si po dinte po tentonte të mbante kundërshtarin nën presion, krijoi edhe disa raste, por sa për meritë të mosprecizitetit po ashtu edhe të portierit vendas nuk ia doli të shënonte.

Krejt kjo zgjati deri te minuta e kobshme e 47-të kur në Bekteshin shkaktohet faull, por gjyqtari qesharak gjykon kontra-faull dhe karton të verdhë për mbrojtësin prishtinas – automatikisht i dyti dhe i kuqi. Reagojnë vrullshëm të gjithë futbollistët prishtinas, ndërsa ndëshkohet kapiteni Dallku, ishte i dyti i verdhë edhe për të dhe përjashtohet edhe ai nga loja.

Pas këtij momenti edhe ashtu në mungesë të futbollistëve, me 9 lojtarë në fushë, Prishtina provoi të rreshtohej disi duke provuar end të provonte të atakonte. Megjithatë edhe një faull i falur për vendasit në krah, nga harkimi i vendasve dhe nga shtylla e dytë nga afërsia me kokë shënoi Villar (75’). Juanfri i dha fund vuajtjeve kur pas aksionit të mira nga e majta u shërbye po ashtu në shtyllën e dytë dhe shënoi për rezultatin përfundimtar (80’).

Deri në fund, vendasit në dy raste nga goli i sigurt i shpëtoi portieri duke pritur gjuajtjen e Mankendës (88’) dhe Bashirus (89’).

Kaq kishte nga ndeshja, ndërsa pas përfundimit të ndeshjes pati mjaft shumë tension, si me gjyqtarët, por edhe ndërmjet zyrtarëve të dy klubeve, por nuk pati ndonjë ekses më të madh se sa ato verbale.