Prishtina pa Plisat ndaj kampionit aktual

Plisat nuk do të udhëtojnë drejt Gjilanit për sfidën e Prishtinës ndaj Dritës. Shkak është gjendja e Stadiumit të Qytetit në Gjilan.

Kryetari i Plisave, Albert Kastrati, sqaroi situatën rreth udhëtimit të tifo-grupit bardhekaltër.

“Plisat nuk do të udhëtojnë në Gjilan sepse stadiumi i tyre nuk ofron kushte”, deklaroi Kastrati për Gazetën Olle.

Për arsye të njëjt, Plisat nuk udhëtuan as në sfidën ndaj Gjilanit para dy javësh.

Policia e Kosovës iu kishte ndaluar udhëtimin pasi që stadiumi nuk ofron kushte sigurie. Kujtojmë që stadiumi në Gjilan është ende në renovim.