Pritjet deri në 1 orë/ Numër i madh i të interesuarve për vaksinim në Ferizaj
Një numër i madh i njerëzve janë parë në mëngjesin e së martës në Sallën e Vaksinimit në Shkollën e Mesme Bujqësore “Zenel Hajdini” duke pritur që të vaksinohen kundër Covid19.
IndeksOnline ka siguruar pamje nga vendi i ngjarjes.
Në video shihet se është bërë radhë e gjatë e personave që kanë aplikuar që të vaksinohen për t’u mbrojtur nga virusi vdekjeprurës.
Në sallën, për shkak të numrit të madh të të interesuave, janë parë edhe pjesëtarët e Policisë së Kosovës për të mbajtur rendin dhe distancën sociale.
Një lexues për IndeksOnline ka treguar se tash e një orë është duke pritur që të vaksinohet. Sipas tij duhet të pres edhe afro 30 minuta të tjerë, si pasojë e personave të shumtë në sallë./IndeksOnline/