Prizren: Gjuajnë me armë zjarri në aheng familjar, policia ua “zë” derën

Me datë 10.08.2022, rreth orës 10:22, Stacioni Policor Prizren ka pranuar informatën se në lagjen Bajram Curri në Prizren, në një gazmend familjar ka gjuajtje me armë zjarri.

Patrulla policore e Stacionit Policor Prizren ka shkuar në vend ngjarje.Në lokacionin e përmendur patrulla policore kishte hasur në një person me arme në brez, pistoletë me gaz. I dyshuari është arrestuar dhe është dërguar në drejtim të stacionit për intervistim.

Arma është sekuestruar dhe i dyshimti me urdhër të prokurori është liruar në procedurë të rregullt.

Në të njëjtin gazmend familjar me vone rreth orës 15:30 përsëri është marr informacion se ka gjuajtje me armë zjarri.

Policia përsëri ka shkuar në vend ngjarje , aty ka identifikuar një të dyshimtë dhe është gjet një armë-pistoletë.

Arma është sekuestruar dhe i dyshimti me urdhër të prokurori është ndaluar për 48 orë. Kundër të dyshuarve është filluar procedura penale për veprën “ Mbajtja në pronësi, kontroll ose posedim i paautorizuar i armëve”.