Prizren: Shkaktari i djegies së shtëpisë dyshohet të jetë familjari me të meta mendore, dërgohet në burg

Mbrëmë IndeksOnline ka raportuar për djegien e një shtëpie në Komunën e Prizrenit.

Ndërsa nëpërmjet raportit 24-orësh bëhet e ditur se një person i dyshuar është arrestuar dhe është dërguar në mbajtje.

Zëdhënësi i policisë së rajonit të Prizrenit, Shaban Osmanollaj, për IndeksOnlinen ka thënë se i dyshuari për zjarrvënie është një familjar, i cili dyshohet se është me të meta mendore.

“Prizren 12.01.2021 – 23:00. Ankuesi mashkull kosovar ka raportuar se i ishte djegur shtëpia e tij. Njësitet policore kanë dalë në vendin e ngjarjes si edhe zjarrfikësit, të cilët kanë shuar zjarrin. Është arrestuar një i dyshuar mashkull kosovar. Me urdhër të prokurorit i dyshuari është dërguar në mbajtje”, thuhet në raport./IndeksOnline/