Prokuroria ngre aktakuza ndaj 96 personave

Prokurori i Shtetit ka njoftuar se gjatë 24-orëve të fundit nga prokuroritë themelore janë ngritur 65 aktakuza, kundër 96 personave, për vepra të ndryshme penale, ndërsa, me urdhër të Prokurorit të Shtetit janë ndaluar 16 persona të dyshuar.

Gjithashtu janë paraqitur 4 kërkesa për caktimin e masës së paraburgimit kundër 4 personave të dyshuar, për vepra të ndryshme penale.

Më poshtë e gjeni të plotë raportin për të gjitha prokurorit themelore në Kosovë:

Prokuroria Themelore në Prishtinë, ka ndaluar tre (3) persona të dyshuar dhe ka ngritur njëzetedy (22) aktakuza kundër tridhjetekatër (34) personave, për vepra të ndryshme penale. Po ashtu, gjatë 24-orëve të fundit, kanë ndodhur dy vdekje të dyshimta. Prokurori kujdestar i Departamentit të krimeve të rënda, ka lëshuar urdhëresë për autopsi për dy (2) persona, të cilët janë gjetur pa shenja jete, në Prishtinë.

Prokuroria Themelore në Prizren, ka ndaluar pesë (5) persona për 48 orë dhe ka ngritur shtatë (7) aktakuza kundër tetë (8) personave, për kryerjen e veprave të ndryshme penale, të përcaktuara në Kodin Penal të Republikës së Kosovës (KPRK).

Prokuroria Themelore në Pejë, me urdhër të prokurorit ka ndaluar gjithsej katër (4) persona të dyshuar dhe ka ngritur katër (4) aktakuza kundër pesë (5) personave, për vepra të ndryshme penale.

Prokuroria Themelore në Gjilan, me urdhër të prokurorit ka ndaluar dy (2) persona të dyshuar, në kohëzgjatje prej 48-orëve, ka paraqitur tri (3) kërkesa për caktimin e masës së paraburgimit kundër tre (3) personave të dyshuar dhe ka ngritur katërmbëdhjetë (14) aktakuza, kundër njëzetekatër (24) personave.

Prokuroria Themelore në Gjakovë, me urdhër të prokurorit kujdestar, ka ndaluar një (1) person në kohëzgjatje prej 48 orësh, ka bërë një (1) kërkesë për caktimin e masës së paraburgimit kundër një (1) personi dhe ka ngritur një (1) aktakuzë kundër dy (2) personave.

Prokuroria Themelore në Mitrovicë, ka ngritur dhjetë (10) aktakuza kundër katërmbëdhjetë (14) personave, për vepra të ndryshme penale.

Prokuroria Themelore në Ferizaj, ka ndaluar një (1) person të dyshuar dhe ka ngritur shtatë (7) aktakuza kundër nëntë (9) personave, për vepra të ndryshme penale.