Pronarët e restorantit u mburren me vizitën e Kylie Jenner-it, shpërthejnë ndjekësit: “Turp”!
Kylie Jenner, një nga gratë më të famshme në botë dhe anëtare e reality show-t Kardashian-Jenner, aktualisht po kalon pushimet në Evropë.
Ajo mbërriti në Greqi me shoqen e saj më të mirë, Anastasia Karanikolaou, dhe më 12 korrik shkuan për darkë në restorantin “Tassia” në Fiscardo, në ishullin grek të Kefalonisë, transmeton Indeksonline.
Pronarët e restoranteve, Polychronis Dendrinos dhe Tassia Dendrinou, përdorën llogarinë e tyre në Instagram për të treguar vizitën.
“Ishte një nder të prisja një ikonë sipërmarrëse. Kylie Jenner pati mundësinë të shijonte pak nga mikpritja dhe kuzhina greke. Shpresojmë ta shohim përsëri”, shkruan ata së bashku me një foto.
Por njoftimi, të cilin ata ndoshta e imagjinuan si një njoftim promocional, shkaktoi një valë kritikash në rrjetet sociale.
“Nder?! A zbuloi ajo një kurë për kancerin apo jo?”, “Hajde, të lutem… Një vajzë me fytyrë plastike. Mos e ekzagjero”, “Një falënderim do të mjaftonte, këto janë lajka të panevojshme”, “Nder për çfarë? Sepse është plastike dhe gënjen për këtë, ndërkohë që i bën vajzat e reja të ndihen të pasigurta?”, “Kjo nuk është reklamë, kjo është turp”, “Tani e di ku nuk do të shkoj”, ishin komentet./Indeksonline/
