Protesta në Hong Kong, Trump nxit presidentin kinez të takojë protestuesit

Presidenti amerikan Donald Trump i ka sugjeruar homologut të tij kinez Xi Jinping të takojë protestuesit në Hong Kong të cilët kanë kërkuar reforma demokratike.

Hong Kongu ka qenë në trazira për javë të tëra, me protestuesit duke shkaktuar kaos në aeroport në fillim të kësaj jave.

Trump ishte shfaqur më parë të sugjeronte që ai vetë duhet të takohej me Xi për të diskutuar për krizën në qytet.

Miliona qytetarë të Hong Kong kanë marrë pjesë në 10 javë protesta antiqeveritare.

Gjithashtu, të enjten, ambasadori kinez në Britanin e Madhe paralajmëroi se Pekini do të ndërhynte në Hong Kong nëse ngjarjet përkeqësohen më tej. Ai tha se territori po përballet me situatën e tij më të rëndë që kur u kthye nga Britania e Madhe në Kinë në 1997.

Protestat tronditëse të demokracisë u nxitën nga kundërshtimi i një projekt-ligji që do të lejonte ekstradimet nga Hong Kongu në Kinë.

Kurse Presidenti i Amerikës Tramp në tëiter kishte shkruar  se kishte “dyshim ZERO” se Z. Xi mund “të zgjidhte njerëzisht problemin e Hong Kongut”.

Ai gjithashtu i lidhi këto protesta me një marrëveshje tregtare të SHBA-ve me Pekinin, e cila po përcillet me tensione të vazhdueshme tregtare

.Projektligji i diskutueshëm i ekstradimit tani është pezulluar, por protestat kanë shpërthyer  në një lëvizje më të gjerë, duke vazhduar dhe kërkuar edhe reforma demokratike.

Hong Kongu, një ish-koloni britanike, është pjesë e Kinës nën një model “një vend, dy sisteme” që i jep asaj një nivel të lartë autonomie.

Ajo ka sistemin e vet juridik dhe gjyqësorin dhe gëzon liri të caktuara. Hong Kong dhe Macau për shembull, janë vendet e vetme në territorin kinez ku njerëzit mund të mbajnë vigjilje(ritual)  për të përkujtuar goditjen e Sheshit Tiananmen në 1989.