Protestë e dhunshme në Shkodër/ Të miturit shkatërrojnë selinë e PS

Ajo që nisi si një marshim qytetar në qytetin e Shkodrës për vrasjen e Klodjan Rashës, në fakt precipitoi në dhunë dhe shkatërrime nga disa të rinj, kryesisht të mitur.

Në protestë vihen re edhe prezencë e figurave politike si anëtarë apo kryetar të  degëve të PD dhe LSI dhe simpatizantë të tyre.  

Qe në fillim të grumbullimit ka pasur plasje të kapsollave nga disa të mitur, të cilët nuk kursejnë sharjet ndërsa në duar mbajnë shkopa druri e gurë. Të miturit kanë thyer me gurë xhamat e selisë së PS në Shkodër.

Ata nuk janë mjaftuar me aq  dhe kanë nisur të thyejnë çdo gjë që u ka dalë para, ndërsa u vendoset flaka tabelave të reklamave dhe koshave të mbeturinave në rrugë.

Ata kanë dhunuar selinë e PS duke u futur brenda ambienteve të saj, shkatërruar të gjitha objekte dhe dokumentet brenda saj, ndërsa janë dëmtuar edhe kamerat e sigurisë. të miturit po nxjerrin jashtë çdo objekt që ndodhej në selinë e PS.