Protestojnë shqiptarët që luftuan në Kroaci, kërkojnë njohjen e statusit të veteranit
Pjesë e luftës në Kroaci ishin rreth 3 000 shqiptarë. Ata luftuan kundër Serbisë deri në shkëputjen e Kroacisë nga Jugosllavia.
Por, shumë kohë pas shpalljes së pavarësisë së Kroacisë, disa nga ish pjesëtarët shqiptar të e ushtrisë kroate sot po protestojnë për mos njohjen e statusit të veteranit e invalidit të luftës nga shteti kroat, raporton Indeksonline.
Ata sot me pankarta e flamuj kroat po protestojnë para ambasadës së Kroacisë në Prishtinë duke kërkuar që tu njihet statusi i veteranit e invalidit të luftës.
Ndonëse numri i tyre nuk është i madh ata po këmbëngulin që kjo temë duhet të trajtohet edhe njëherë nga Kroacia.
Arif Krasniqi, përfaqësues i Shoqatës të luftëtareve shqiptar të Kroacisë me degë në Kosovë ka thënë se rreth 3 000 luftëtarë shqiptar kanë marrë pjesë në luftën e Kroacisë, prej tyre 87 kanë rënë dëshmor dhe 37 janë të zhdukur.
Arif Krasniqi, përfaqësues i Shoqatës të luftëtareve shqiptar të Kroacisë
Ata kanë kërkuar edhe lehtësira në pajisjen me viza nga ky shtet, si lirimin nga pagesa.
Para ambasadës vërehet edhe një numër i shtuar i pjesëtarëve të Policisë së Kosovës të cilët po e sigurojnë objektin për çdo rast./Indeksonline/
