PSD-ja e publikon listën për Prishtinën

Partia Socialdemokrate ka publikuar listën garuese për Prishtinë, për zgjedhjet komunale që do të mbahen më 12 tetor.

Besa Shahini, kandidate për kryetare të kryeqytetit, prijëse e kësaj liste, ka thënë se është entuziaste për ekipin e saj.

“Entuziaste me ekipin tim për Prishtinën. Njerëz që e njohin dhe e ndjejnë këtë qytet, aktivistë të kahmotshëm që mbrojnë të drejtën për të jetuar këtu, aktivistë të rinj që duan të përmirësojnë lagjet e tyre, profesionistë nga fushat më të rëndësishme për jetën e përditshme në qytet. Të gjithë do të punojnë që Prishtina të mbetet qyteti ynë i përbashkët, një vend më i drejtë dhe më i jetueshëm për të gjithë, ku secili përket dhe mund të ndërtojë jetën e vet”, ka shkruar ajo në Facebook.