75 Mall Live Search
14:45 / E Premte, 28 Gusht 2020 / indeksADMonline

Pse meshkujt e kalojnë më me vështirësi Covidin-19 se femrat?

Meshkujt e kalojnë më me vështirësi Covidin-19 se sa pacientet femra.

Ky është studimi më i fundit, i cili zbulon dhe arsyet se pse ndodh ky fenomen.

Te pacientet femra, edhe në moshë madhore, niveli i citokinave imflamatore nuk prek punën dhe funksionin e limfociteve T.

E kundërta ndodh te burrat, te të cilër niveli i lartë i citokinave prek monocitet, duke i kthyer në jo funksionale, e duke çuar njëkohësisht në reduktimin e limfociteve T.

Ky proces sjell rrjedhimisht një përgjigje shumë më të ulët të sistemit imunitar, çka bën që meshkujt ta luftojnë më me vështirësi koronavirusin.

Grupi i shkencëtarëve të Universitetit të Yale-s, të cilët morën iniciativën për të kryer këtë studim, u nisën nga fakti se në të gjithë botën, pacientët meshkuj ishin shëruar shumë herë më ngadalë nga koronavirusi se pacientet femra.

Numri i viktimave nga Covidi-19 është më i lartë te burrat, ndërsa shihet se dhe simptomat janë më të rënda te ta. Në përgjithësi, sipas statistikave, sëmundjet shpesh kalohen më me vështirësi nga meshkujt, sesa nga femrat.