Pse përqafimi i Kate Middleton dhe Jessie J po bën xhiron e rrjetit?

Princesha Kate Middleton dhe këngëtarja britanike Jessie J përjetuan një moment mjaft emocional gjatë Royal Variety Performance në Royal Albert Hall, në Londër, mbrëmjen e 19 nëntorit. Pas një bisede të shkurtër mbi përvojat e tyre personale me kancerin, ato u përqafuan me shumë ngrohtësi.

Siç raportoi The Independent, Jessie J shpjegoi më vonë se reagoi në mënyrë të çastit, pasi të dyja kanë kaluar përvoja të vështira me sëmundjen.

“Mami im e kaloi së fundmi kancerin… thjesht ndjeva nevojën ta përqafoja”, u shpreh ajo, duke përmendur princeshën Kate.

Në qershor të atij viti, Jessie J bëri të ditur se ishte diagnostikuar me kancer gjiri dhe se i ishte nënshtruar një mastektomie. Ajo vendosi ta ndajë hapur historinë e saj me ndjekësit, duke folur me sinqeritet për sfidat fizike dhe emocionale që hasi.

Mbrëmja në Royal Albert Hall kishte rëndësi të veçantë edhe për Kate dhe princin William, pasi ishte dalja e tyre e parë në tapetin e kuq pas dy vitesh. Jessie J theksoi gjithashtu se presioni i të qenit person i njohur e bën gjithë përvojën edhe më të vështirë:

“E kuptojmë që nuk është e thjeshtë të përballosh diçka të tillë, sidomos kur je në qendër të vëmendjes.”