PSG-ja përjashton Mbappen!
Skuadra e PSG-së ka marrë një vendim të rëndë ndaj Kylian Mbappes.
Sulmuesi francez nuk është ftuar nga Luis Enrique për turneun parasezonal në japoni, shkruan IndeksOnline.
Kjo është konfirmuar edhe nga klubi i PSG-së, ku ka publikuar në faqen zyrtare listën me 29 futbollistët e ftuar nga trajneri spanjoll, ku ky vendim i është komunikuar edhe 24-vjeçarit gjatë mbrëmjes së sotme.
Mediat franceze këtë vendim e shohin si një shenjë për shitjen e Mbappes gjatë afatit kalimtar veror, për shkak se lojtari ka refuzuar vazhdimin e kontratës e cila skadon në qershor të vitit 2024.
Presidenti i PSG-së, Nasser Al-Khelaïfi, ditët e fundit ka komentuar se askush nuk ishte mbi klubin dhe se kushdo që nuk ka dashur të jetë aty duhet të largohet.
Në listë janë transferet e deritashme si Milan Skriniar, Lucas Hernandez, Marco Asensio, Manuel Ugarte si dhe vëllau i vogël i Kylian Mbappes, Ethan Mbappe.
PSG gjatë qëndrimit në Japoni do të luaj katër ndeshje miqësore me këto skuadra:
E martë 25 korrik: PSG – Al-Nassr
E premte 28 korrik: PSG – Cerezo Osaka
E martë 1 gusht: PSG – Inter Milan
E enjte 3 gusht: Jeonbuk Motors – PSG
/IndeksOnline/