Putin kërkon të kontrollohet muzika rap & hip-hop, njëjtë sikurse deputeti i LDK-së!
Presidenti i Rusisë, Vladimir Putin e ka quajtur muzikën Rap dhe Hip-Hop si degradim të shoqërisë.
Duke e parë që është e pamundur ta ndal këtë lloj të muzikës, Putin ka kërkuar që të vihet nën kontroll, transmeton Indeksonline.
“Është e pamundur të ndalet, prandaj ne duhet të udhëheqim dhe ta drejtojmë” u shprehë presidenti rus.
Në një takim kulturor në Kremlin, Putin tha se tre shtyllat e kësaj muzike janë: Seksi, Droga dhe protesta.
Për propagandën e drogës që bëhet në Rap dhe Hip Hop, presidenti rus tha se kjo është më e keqe se mallkimi.
Ndryshe, për mos transmetim të këngëve që promovojnë drogë së fundmi është hapur debat edhe në Republikën e Kosovës.
Deputeti i LDK-së, Haxhi Avdyli ia ka propozuar Komisionit për Shëndetësi, që në vitin 2019 të ketë një iniciativë ligjore, e masa të tjera për ndalimin e promovimit të drogave në televizione. /Indeksonline/