Putin mbikëqyr personalisht stërvitjen e forcave bërthamore ruse

Presidenti i Rusisë, Vladimir Putin mbikëqyri stërvitjen e forcave bërthamore ruse të kryer kundër një sulmi të mundshëm bërthamor ndaj vendit të tij.

Sipas një deklarate të Kremlinit, Putin drejtoi personalisht trajnimin e forcave të parandalimit strategjik tokësor, detar dhe të aviacionit, gjatë të cilit u ushtruan lëshime praktike të raketave balistike dhe kryqëzuese.

Në mesin e raketave të lançuara ishin raketa balistike ndërkontinentale “Yars” si dhe raketa balistike “Sineva”, shkruan IndeksOnline.

Në stërvitje mori pjesë edhe bartësi i raketave strategjike me rreze të gjatë Tu-95MS, i cili lëshoi ajrore kryqëzyese.

Putin kontrolloi nivelin e gatishmërisë së organeve të administratës ushtarake dhe aftësitë e stafit drejtues dhe operacional në organizimin dhe menaxhimin e trupave.

“Detyrat e vendosura për stërvitjen e forcave të parandalimit strategjik janë kryer plotësisht, të gjitha raketat kanë arritur objektivat e tyre, duke konfirmuar karakteristikat e specifikuara”, thuhet në deklaratë.