Qesharake, grupi i 3 deputetëve të Ferizajt e propozojnë një kandidate të dobët, e largojnë për inate Valon Ramadanin!
Një befasi e radhës ka ndodhur në degën e Lëvizjes “Vetëvendosje” në Ferizaj ku qendra ka vendosur që Valon Ramadani të eliminohet nga gara për kryetar.
Burime të “Indeksonline”, brenda kësaj dege, kanë konfirmuar se ishin tre deputetë (Dimal Basha, Haku Abazi dhe Enver Haliti) që insistuan për moskandidimin e Ramadanit.
Por, befasia nuk ndalet me kaq. Grupacioni i këtyre deputetëve të LVV-së vendosi që kryetare pretendente të jetë një figur aspak e njohur.
Bëhet fjalë për Fatbardha Zogaj-Reka, e cila nuk kishte arritur të bëhet as asamblistë për kuvendin komunal të Ferizajt.
Ndërsa, kujtojmë se Ramadani Degën e LVV-së në Ferizaj e kishte trefishuar me vota.
Ndryshe, deputeti Ramadani kandidaturën për kryetar të Degës e bëri më 16 gusht.
Më poshtë statusi i Ramadanit, ku kishte njoftuar se është kandidat për kryetar të degës së Vetëvendosjes në Ferizaj:
Të jesh Vetëvendosje!, nënkupton të mos ndalesh. Nënkupton jo vetëm t’i vazhdosh, por t’i rrisësh përpjekjet duke e synuar gjithnjë më të mirën.
Sot dorëzova kandidaturën time për një mandat tjetër si kryetar i Lëvizjes VETËVENDOSJE! në Qendrën e Ferizajt. Përveçse kanë mbetur shumë çështje në proces, i tillë është edhe vullneti i shumë aktivistëve e anëtarëve tonë, puna dhe kërkesat e të cilëve janë udhërrëfyesi i organizimit tonë.
Bashkë kemi vepruar gjithnjë sipas statutit, programit dhe idealit të Lëvizjes. Kemi qenë të vendosur e të palëkundur, kur e ka kërkuar mbrojtja e Atdheut, kemi qenë bashkëpunues përtej çdo dallimi kur ky ka qenë interes i qytetarëve. Me energji të reja e më të mëdha se kurrë më parë, bashkë do t’i prijmë Lëvizjes në Ferizaj drejt rritjes së numrit të deputetëve që Lëvizja merr në këtë komunë, drejt opozitarizmit komunal me synim bërjen e një qyteti të jetueshëm e që i përgjigjet nevojave të çdo qytetari e secilit komunitet grupmoshe, dhe drejt forcimit të strukturave tona në qytet, fshat e çdo shtresë shoqërore. Mbi të gjitha do të punojmë për angazhimin e sa më shumë ekspertëve, intelektualëve, njerëzve me vlera nga komuna jonë, duke mbajtur gjithmonë raport sa më të afërt me deputetët e anëtarët e qeverisë që vijnë nga kjo komunë.
Uroj që të ketë garë, gjithsesi të hapur e fer, garë brenda bashkëpunëtorëve të së njëjtës organizatë, me ide e projekte që e bëjnë më të mirë e më efektive punën tonë.
Ju faleminderit e mirupafshim në takimet tona!
