Qeveria alokon para në këtë kompani që s’kishte aplikuar fare

Qeveria e Kosovës sot ka filluar ekzekutimin e parave nga pako e rimëkëmbjes ekonomike.

Por siç duket nga kjo pako do të përfitojnë edhe bizneset që s’kanë aplikuar për mbështetje, shkruan IndeksOnline.

Burim Piraj, pronar i kompanisë “MEKA”, ka bërë të ditur se në llogarinë e firmës janë alokuar paratë nga Qeveria për rimëkëmbje ekonomike.

“Më në fund ndodhi edhe kjo!

Sot në llogarinë e firmës sonë janë alokuar mjete nga qeveria e Kosovës për rimëkëmbje ekonomike!

Edhe pse ne nuk kemi aplikuar kjo ka ndodhur në realitet!

Është hera e parë për 28 vite punë që firma MEKA merr mbështetje financiare nga institucionet tona!

Shkojmë para!”, shkroi ai.

Ndryshe, ministrja e Financave, Hykmete Bajrami ka bërë të ditur se edhe nesër do të ekzektutohen mbi 20 milionë euro për bizneset./IndeksOnline/