18:55 / E Mërkurë, 05 Tetor 2022 / Gjelbrim

Qeveria e Katarit vendos masa të veçanta për punonjësit gjatë Kupës së Botës

Qeveria e Katarit ka vendosur që punonjësit e sektorit publik në këtë vend të punojnë vetëm ndërmjet orës 7:00 dhe 11:00 dhe 80 përqind e tyre do të punojnë në distancë nga 1 nëntori deri më 19 dhjetor.

Arsyeja kryesore është ulja e rrezikut të turmave për shkak të ardhjes së shikuesve të huaj të Kupës së Botës.

“Sektori i sigurisë dhe shëndetësisë, si dhe kompanitë private, nuk bien nën masën”, tha zëdhënësi i Shërbimit të Komunikimit të Qeverisë, Mohammed bin Nuwaymi Al Hajri.

Shkollat ​​publike dhe private nga data 1 deri më 17 nëntor do të jenë të hapura vetëm nga ora 07:00 deri në orën 12:00, ndërsa fëmijët do të jenë pushim deri më 22 dhjetor.

Zonat kryesore të tifozëve gjatë turneut do të vendosen në Doha Corniche vetëm për këmbësorët nga 1 nëntori deri më 19 dhjetor.

Ky aks qarkullimi përgjatë bregut të detit lidh rrethet kryesore të Dohas, dhe përndryshe është shumë i ngarkuar.

Sa për kujtesë, Katari pret më shumë se një milion vizitorë gjatë turneut, i cili do të luhet nga 20 nëntori deri më 18 dhjetor.