Qeveria e Serbisë i propozon Vuçiqit shpërndarjen e Kuvendit dhe shpalljen e zgjedhjeve
![](https://indeksonline.net/wp-content/uploads/2023/10/677z381_Tan2023-10-2310550355_7-skupstina-srbije-vlada-izbori.jpg)
Qeveria e Serbisë të hënën i ka dërguar presidentit të këtij vendi, Aleksandër Vuçiq, një propozim për shpërndarjen e Kuvendit dhe shpalljen e zgjedhjeve për deputetë.
Siç ka raportuar Tanjug, ”mbajtja e zgjedhjeve të reja parlamentare në rrethanat ekzistuese do të siguronte një shkallë më të lartë të demokracisë, duke reduktuar tensionet e krijuara midis opsioneve kundërshtare në shoqërinë serbe”.
Në Serbi raportohet të jetë rritur gjuha e urrejtjes në mes kundërshtarëve politikë.
Për këtë është ankuar edhe presidenti serb, Aleksandër Vuçiq, duke pretenduar se opozita e ofendon edhe për dukjen e buzëve të tij.
Në propozimin për shpërndarjen e parlamentit, ndër të tjera thuhet se kohët e fundit ka pasur kërkesa nga një pjesë e opinionit për shpalljen e zgjedhjeve të reja, të jashtëzakonshme për deputetë.