Qeveria miraton Kodin e Procedurës Penale
Qeveria e Kosovës ka miratuar draftkodin e Procedurës Penale.
Qeveria e Kosovës në mbledhjen e rregullt ka miratuar draft-kodin e Procedurës Penale.
Me këtë rast, ministri i Drejtësisë, Abelard Tahiri, ka thënë se ky Kod është harmonizuar me 12 aktet e Bashkimit Evropian.
“Nga 457 nene 220 prej tyre janë shqyrtuar dhe riformuar sipas praktikave më të mira ligjore dhe gjyqësore. Ky kod është harmonizuar me 12 aktet e BE-së”, ka deklaruar Tahiri.
Ai bëri të ditur se në mesin e ndryshimeve që janë bërë në këtë kod, është paraparë edhe suspendimi i gjithë personave zyrtarë për të cilët ngrihet aktakuzë.
“Ndryshimet themelore në këtë kod kanë të bëjnë me suspendimin e zyrtarëve të lartë për të cilët ngrihet aktakuzë, pra kjo vlen për të gjithë personat zyrtarë të akuzuar për vepra të korrupsionit”, tha Tahiri.
