QKMF-ja në Prishtinë që nuk punon vikendit, banorët obligohen të shkojnë më larg

Banorët e lagjes ‘Muhaxherë’ në Prishtinë po ndihen të diskriminuar në marrjen e shërbimeve shëndetësore.

Kjo pasi, Qendra Mjekësore Familjare që gjendet në këtë lagje, sipas tyre që nga vitit 2015 kur edhe është hapë, asnjëherë nuk ka punuar ditëve të vikendit, përkatësisht, të shtunën dhe të dielën.

Për Indeksonline, disa banorë kanë thënë se po detyrohen që këto dy ditë, të marrin shërbimet shëndetësore ose në Breg të Diellit ose tek QKM afër Postës së Madhe.

Sipas tyre, në këtë QKMF ka staf të mjaftueshëm  për të ofruar shërbime, por që të njëjti e mbajnë mbyllur për dallim nga të tjerat qendra në Prishtinë.

Lagja Muhaxherë është ndër lagjet më të populluara në kryeqytet, e cila ka popullatë prej rreth 7500 banorë.

Krejt këta banorë, obligohen të shfrytëzojnë shërbimet mjekësore në Qendra tjera familjare./Indeksonline/