Radojeviq: S’ka forcë që mund të na mposhtë, do të vazhdojnë largimet e serbëve nga institucionet

Ish-kryetari i komunës së Mitrovicës së Veriut, Milan Radojeviq, ka thënë sonte se, lëvizjet e mëtutjeshme të serbëve do të kushtëzohen nga situata dhe lëvizjet e Qeverisë së Kosovës.

Ai tha se “nuk ka forcë që mund t’i mposhtë njerëzit që janë duke luftuar për lirinë e tyre”.

“Ne udhëhiqemi nga konkluzionet që janë bërë dje dhe sot janë mbajtur seanca urgjente në katër komuna në veri, ku kryetarët e komunave, kryetarët e kuvendeve komunale dhe të gjithë këshilltarët kanë dorëzuar dorëheqjen. Procesi i largimit nga institucionet vazhdon”, tha Radojeviq për Tanjug.

Tutje ai tha se presin që të respektohet Marrëveshja e Brukselit dhe të gjitha marrëveshjet e arritura në Bruksel./Indeksonline/