Raketa ruse vret një të porsalindur në Ukrainën lindore

Një raketë ruse ka goditur sot Ukrainën, në afërsi të një materniteti, duke vrarë një djalë të porsalindur dhe duke plagosur rëndë një mjek. 

Shpërthimi brenda natës shkatërroi spitalin e qytetit të vogël, duke e lënë atë një gërmadhë.

Ishte goditja e dytë vdekjeprurëse në qytetin e vogël të Vilniansk në një javë dhe kryebashkiaku Nataliya Usienko beson se nuk do të ishte i fundit.

“Sulmi filloi dhe raketa e parë S300 ra në rrugë. Raketa e dytë goditi këtë vend, spitalin kryesor të përgjithshëm, në krahun e maternitetit ku ndodheshin njerëzit,” tha ajo.

“Një grua lindi dy ditë më parë. Ajo lindi një djalë. Fatkeqësisht kjo raketë i mori jetën këtij fëmije që jetoi vetëm dy ditë.”

Kjo vjen pasi 11 persona humbën jetën kur një raketë ruse goditi një ndërtesë apartamentesh gjashtë ditë më parë.

“Është shumë e rrezikshme të jesh këtu,” tha zonja Usienko. “Është 90% e sigurt që do të goditet sërish”.