“Raki për të tërë”, shqiptari kapet në Itali me 500 litra në portin e Barit

Plot 500 litra pije alkoolike të distiluara të prodhimit shqiptar, raki, pa dokumentacion tregtar dhe shëndetësor që legjitimon transportin e tij, u kapën në Portin e Barit në një operacion të përbashkët të kryer nga Guardia di Finanza, Policia Kufitare dhe zyrtarë të Agjensisë së Doganave.

Mediat italiane bëjnë të ditur se gjatë një kontrolli të kryer në një autobus të sapozbritur nga një traget nga Shqipëria, rezultoi rakia ishte fshehur me zgjuarsi në një ndarje të fshehur brenda automjetit. Por pas kontrollit të imët u gjetën 85 bidona plastikë që përmbanin raki: një distilim shqiptar i ngjashëm me pijen “Grappa” italiane.

Bidonat ishin vendosur në një fund të dyfishtë natyror të dhomës së bagazhit, të mbyllura me një hapje të fshehur dhe të zhbllokuara, duke tërhequr një tel çeliku të vendosur në një ndarje tjetër ngjitur.

Shoferi i autobusit u gjobit dhe u kallëzua… Veprat e pretenduara variojnë nga kontrabanda në transportin e paautorizuar të mallrave të akcizës. Automjeti i përdorur për transport të paligjshëm iu nënshtrua konfiskimit dhe ndalimit administrativ për tre muaj.