Rama mohon shkarkimin e ministres së Financave Ibrahimaj, reagon dhe kjo e fundit

Kryeministri i vendit Edi Rama ka mohuar shkarkimin e ministres së Ekonomisë dhe Financave, Delina Ibrahimaj.

Para se të fllonte Asambleja Kombëtare e PS, gazetarja e Klan News, Klesiana Omeri ka mundur që të marrë një reagim nga ana e Kryeministrit të vendit, Edi Rama.

I pyetur rreth lajmit të publikuar se ministrja e Financave ishte shkarkuar, kryeministri Rama ka mohuar një fakt të tillë.

Pak minuta më pas, ka qenë vetë ministrja e Financave, Delina Ibrahimaj, e cila ka sqaruar në mënyrë të detajuar rreth pretendimeve për shkakimin e saj nga detyra.

 “Është koha e thashethemeve të verës. Nuk kam dhënë dorëheqjen dhe nuk jam shkarkuar.”

Gjatë mesditës, në media u raportua se ministrja e Financave ishte shkarkuar me urdhër të kryeministrit Rama në mbledhjen e qeverisë që zgjati për disa orë ditën e sotme.