Rama për dështimin e miratimit të Rezolutës për Srebrenicën: Lojë e ulët e Sali Berishës

Kryeministri i Shqipërisë, Edi Rama ka reaguar pasi Kuvendi i Shqipërisë nuk e ka miratuar sot rezolutën për njohjen e gjenocidit në Srebrenicë.

Rama ka thënë se kjo ishte lojë e ulët e një të shpalluri nga SHBA si i korruptuar dhe minues i demokracisë, duke aluduar në Sali Berishën.

Për ish kryeministrin e Shqipërisë ka thënë se njihet botërisht edhe si thyerësi i embargos ndaj Milloshevciqit, transmeton Indeksonline.

“Keqardhje për ata që pa e pasur idenë fare të kësaj loje të ulët, ndjehet gabimisht të lënduar dhe neveri për ata që i shkojnë pas avazit të një të damkosuri si katran me bojë, po Srebrenica nuk mund të jetë letër për bojën e katranit të Shqipërisë”, ka shkruar ndër të tjera Rama në Twitter.

Ata që hidhen përpjetë për gjoja dështimin e një rezolute mbi Srebrenicën në parlamentin shqiptar, si fillim duhet të pyesin po ç'ne kjo rezolutë sot,pse,me ç'rast?Pastaj duhet të informohen mbi tekstin në fjalë dhe në fund duhet ta mësojnë se ajo s'ishte rezolutë po lojë e ulët!

— Edi Rama (@ediramaal) May 12, 2022