Rama për medaljet Olimike: Kush di të gëzohet le të gëzohet, kujt nuk di të gëzohet le t’ia njohim meritën e hudhrës

Pas Chermen Valiev edhe Islam Dudaev i dhuron Shqipërisë një medalje olimpike në “Paris 2024”. Shqipëria përjeton kështu një moment historik duke fituar dy medaljet e para olimpike, të dyja në “Paris 2024”.

Mundësi i natyralizuar si shqiptar arriti të mposhtë 13-12 hungarezin Iszmail Muszukajev për peshën 65 kg.

Dudaev arriti të fitojë përballjen për medaljen e bronztë, duke bërë që Shqipëria të shijojë një tjetër sukses.

E këtij suksesi iu gëzua edhe kryeministri i Shqipërisë, Edi Rama,

“JA EDHE MEDALJA E DYTË OLIMPIKE NË HISTORINË TONË. Kush di të gëzohet le të gëzohet me shumicën dërrmuese të shqiptarëve. Kujt nuk di të gëzohet le t’ia njohim meritën e hudhrës që ia mban larg Shqipërisë syrin e keq”, shkroi Rama.