Rama reagon pas shembjes së Teatrit Kombëtar: Shpifjet nuk janë trashëgimi kulturore
Pas shembjes së Teatrit Kombëtar reagon edhe Kryeministri i Shqipërisë, Edi Rama.
Ai e nis statusin në Tuiter me disa fjalë në drejtim të Edmond Budinës.
Rama i thotë se ka të drejtë të mendojë sikundër ai do, por jo të shpifë për gjëra të pa vërteta.
“Je në të drejtën tënde të vazhdosh të mendosh ndryshe nga Robert Ndrenika, Luftar Paja, Gëzim Kame, Viktor Zhusti, Ruzhdi Pulaha, Pirro Milkani, Albert Minga, Altin Basha e plot të tjerë, që janë historia e vjetër dhe e re e skenës kombëtare.
Je në të drejtën tënde të mendosh njësoj si partitë e atyre që s’kanë ngulur një gozhdë për artin, kulturën, teatrin e donin ta kthenin edhe TK në zgjatim të politikës së tyre me bishtin kular në këmbët e Shqipërisë,ku çdo punë e jona përbaltet me fjalorin ekstrem të vulgaritetit.
Por ty nuk të takon të shash,fyesh e shpifësh njësoj si ata e as nuk ke të drejtë t’i imponohesh vullnetit të qeverisë,bashkisë apo shumicës së komunitetit teatror, sepse sharjet e fyerjet s’janë art, shpifjet s’janë trashëgimi kulturore dhe demokracia nuk është teatër absurd”.
Në reagim Rama lë të kuptptojë se nuk i konsideron fare ata që kanë protestuar për mbrojtjen e Teatrit.
“Unë s’jam as shenjt e as i pagabueshëm dhe nuk ndal dot askënd të më pikturojë si djall, por unë kam lidhje autorësie me punët e zeza që më akuzoni,po aq sa ç’kanë lidhje me Shekspirin dhe Molierin ato partitë që u ngulën tek teatri si në sheshin e radhës për përsheshin e radhës”.
