Ramë Lahaj u përgjigjet mediave serbe: Ne jemi shumë, gati për ta mbrojtur vendin tonë!
Në 11 vjetorin e Pavarësisë së Kosovës, tenori i famshëm nga Istogu, Ramë Lahaj lansoi projektin e tij muzikor “Rrjedh në këngë e ligjërime”, ndërsa këtë e bëri përmes një videoklipi fantastik, ku në fokus kishte ushtarët e Kosovës, përcjellë Indeksonline.
Por, ky projekt muzikor u pengoi gazetarëve serbë të cilët kishin shkruar se Lahaj u këndoi “terroristëve”.
Ndërsa, tenori përveç që ka falënderuar të gjithë ata që punuan projektin, e përkrahën dhe e pëlqyen atë, por ai i ka edhe disa fjalë për gazetarët serbë.
Ky është shkrimi i plotë i Lahajt në rrjetin e tij social Instagram:
Shqiptarët e
mi të dashtun… ????
Këto ditë më kemi dhanë kënaqësi të jashtëzakonshme dhe ma
keni mbush shpirtin me komente, urime e bekime tuaja.
Ju faleminderit nga zemra!
E kam filluar këtë projekt për t’i kujtuar të gjithë që
shpresën, krenarinë e dashninë për vendin nuk na e kanë humbur dot as
pushtuesit e nuk do të arrijnë kurrë të na e humbin as ata që duan të bëjnë
pazare për kufijtë tanë të shenjtë, sepse çdo pëllëmbë e tyre është e larë me
gjak.
Shpresën nuk keni me na e zbehë! Ne e duam Kosovën dhe nuk do
të ikim, po një ditë do ta sjellim aty ku e ka vendin. Ne do t’i bëjmë krenarë
gjeneratat e reja që janë plot jetë e që po i dëshmojnë botës se jemi rinia më
e shëndosh e kreative në botë.
Këtë video po ua postoj si përgjigjen më të mirë, gazetarëve
serbë që portreti i ushtarit tim e çizmet e reja u paskan pengue…. ne jemi
shumë… e gati për t’a mbrojt vendin siç kemi bo nder shekuj.
Nga zemra do të falënderoja miqtë e mi Bes & Bled Bujupin
të cilët e kuptun mesazhin dhe realizuan videon me mjeshtërinë e tyre.
Po ashtu kameramanëve fantastikë Arton Krasniqit e Latif
Hasollit.
I juaji përgjithmonë