Ramiz Lladrovci e Abelard Tahiri vizitojnë babain e ish-presidentit Thaçi

Kryetari i komunës së Drenasit, njëherësh ushtrues detyre i kryetarit të Degës së PDK-së në Drenas, Ramiz Lladrovci bashkë me shefin e grupit parlamentar, Abelard Tahiri, vizituan Haxhi Thaçin, babain e ish-presidentit Hashim Thaçi dhe vëllezërit e tij.

Me rastin e kësaj vizite, ata shprehen solidaritetin e tyre të fuqishëm për padrejtësinë ndaj tij, Kadri Veselit, si dhe bashkëluftëtarëve që gjenden në Hagë, shkruan IndeksOnline.

Postimi i plotë i Lladrovcit në Facebook:

U bë një vit që kur Presidenti Thaçi së bashku me bashkëluftëtarët e tij, iu përgjigjen ftesës së drejtësisë për mbrojtur edhe një herë luftën e drejtë dhe të pastër të UÇK-së.

Në këtë ditë të këtij përvjetori të dhimbshëm, së bashku me Abelard Tahirin, vizituam bacin Haxhi dhe vëllezërit e Presidentit Thaçi në Burojë, për të shprehur solidarizimin tonë të plotë për këtë padrejtësi ndaj tij, Kadriut dhe shokëve të tij që gjenden në Hagë.

Ne kemi besim të fuqishëm se e vërteta do të ngadhënjejë, si çdo herë që besuam nga hapat e parë së bashku me drejtuesit tanë për çlirimin e vendit, besojmë edhe sot për pastërtinë e luftës së UÇK-së, si pjesë e pandashme e dinjitetit, lirisë dhe krenarisë së popullit tonë. #LiriaKaEmër#UÇK