Ramos ka shënuar më shumë gola me kombëtaren se disa legjenda të futbollit

Spanja ka vazhduar serinë e mirë në kualifikime ku qëndron në krye të grupit F me pikë maksimale nga 5 ndeshje, gjithsej 15.

Spanjollët mbrëmë mposhtën në udhëtim Rumaninë 2:1 falë një pritje të mrekullueshme të Kepa Arrizabalaga.

Portieri i Chelseat mund të jetë heroi që e ruajti avantazhin e kombëtares, por pa golat e Sergio Ramos dhe Paco Alcacer, ata nuk do të arrinin fitore.

Edhe një herë tjetër, kapiteni i Spanjës ishte goalshënues, duke e shndërruar në gol penalltinë në min utën e 29-të, shkruan Indeksonline.

Qendërmbrojtësi i Real Madridit tani ka 21 gola në emrin e tij, aspak keq për një mbrojtës.

Kjo statistikë është edhe më impresive nëse e krahasojmë me legjendat e futbollit botëror.

Falë golit të tij të fundit, Ramos tani ka shënuar më shumë se Beckham, Totti, Ribery, Coutinho e Tevez me kombëtaren./Indeksonline/