Ramush Haradinaj dekoron me medaljen “Me besim në Zot, Atdhe dhe Shtet”, Xhafer Gashin

Kryetari i komunës së Obiliqit, Xhafer Gashi është dekoruar nga kryetari i Aleancës për Ardhmërinë e Kosovës, Ramush Haradinaj me medaljen “Me besim në Zot, Atdhe dhe Shtet”.

Njoftimin e ka bërë publik vetë Kryetari i Komunës së Obiliqit, Xhafer Gashi në profilin e tij.

Postimi i plotë i Kryetarit Gashit:

“Mbrëmjen e sotme, në konakun tim, mirëprita mikun e shokun e jetës, kryetarin Ramush Haradinaj, me të cilin nisëm rrugëtimin në periudha të vështira, në kohën e ilegales dhe në luftë, me idealin e përbashkët për liri e shtetndërtim. Me këtë rast, nga kryetari Haradinaj, me nder dhe respekt pranova medaljen “Me besim në Zot, Atdhe dhe Shtet“, për të shprehur mirënjohjen e tij të thellë për kontributin e dhënë në çështjen kombëtare, duke e falënderuar për këtë dhuratë të çmuar, u zotova se ashtu sikur deri më tani, do të vazhdojë përherë të mbetem ushtar lirie dhe të shërbejë me devotshmëri qytetarëve të vendit tim!“