Ramush Haradinaj i bëhet krah Gani Dreshajt në Istog (Foto)
Kryeministri i vendit Ramush Hardinaj, në këtë të diele vikend ka zgjedhur që sërish të jetë pranë qytetarëve të Kosovës.
Ai ka qenë prezent në Uqë e Shushicë, në oda të ndryshme për të biseduar për planet investuese bashkë me kandidatin e AAK-së për të parin e komunës së Istogut, Gani Dreshaj, shkruan Indeksonline.
Me këtë rast Dreshaj ka shkruar se ndërtimi i shkollës në Uqë do të jetë synimi i parë, dhe se këto fshatra më s’do të ketë problemin e ujit të pijes.
Ky është postimi i plotë:
Në Uqë dhe Shushicë ishim të nderuar sot me praninë e kryeministrit Haradinaj.
Në oda biseduam për planet tona investuese që do t’i kemi në këtë zonë të harruar nga udhëheqja e Haki Rugovës.
Ndërtimi i shkollës në Uqë do të jetë synimi i parë, ndërsa këto fshatra më nuk do të përballen me problemin e ujit të pijes.
Kryeministri edhe një herë na garantoi para banorëve istogas se do të na ofroi mbështetje të vazhdueshme nga qeveria.
Bashkë me partnerët e koalicionit jemi të bindur se Istogun do ta ringjallim në çdo sferë.
G.D