Ramush Haradinaj takim me Ambasadorin amerikan në Kosovë Philip Kosnett, bisedojnë për zhvillimet e fundit politike
![](https://indeksonline.net/wp-content/uploads/2021/03/162720426_2526046007519798_4720342886842918905_o.jpg)
Kryetari i AAK-së Ramush Haradinaj ka pritur sot në takim ambasadorin amerikan në Kosovë Philip Kosnett.
Në një postim në Facebook, Haradinaj ka thënë se me ambasadorin amerikan ka biseduar për zhvillimet e fundit politike në vend, sidomos për maturinë që tregoi Kosova pas zgjedhjeve të 14 shkurtit.
Postimi i plotë i Ramush Haradinajt:
Në sfidat në të cilat po kalon Kosova, integrimet euroatlantike, situata me pandeminë, rimëkëmbja ekonomike dhe dialogu, ka partneritet të pakontestueshëm me Shtetet e Bashkuara të Amerikës.
Gjithmonë kënaqësi takimi me ambasadorin amerikan në Kosovë. Me z. Philip Kosnett, biseduam rreth zhvillimeve të fundit politike dhe maturinë politike që e tregoi vendi ynë pas zgjedhjeve të 14 shkurtit.
E informova ambasadorin se Aleanca do të jetë zë i fuqishëm që do të kërkojë llogaridhënie nga pushteti i ardhshëm.
Gjithashtu falënderova ambasadorin Kosnett për kontributin e tij dhe mbështetjen e vazhdueshme amerikane për vendin tonë.
![](https://indeksonline.net/wp-content/uploads/2021/03/162042730_2526046170853115_9117951880468014941_o-1024x683.jpg)
![](https://indeksonline.net/wp-content/uploads/2021/03/161956709_2526046080853124_1901440483655030675_o-1024x683.jpg)