Rasti i trupërojave të Thaçit: Prokuroria dhe IPK-ja dalin me detajet e fundit

Prokuroria e Shtetit dhe Inspektorati Policor i Kosovës janë duke trajtuar incidentin në lidhje me veprimet e oficerëve të mbrojtjes së afërt të presidentit të Kosovës.

Si Prokuroria, ashtu edhe Inspektorati Policor trajtojnë shumë seriozisht çdo pretendim të sjelljes së kundërligjshme dhe do të ndërmarrim të gjitha veprimet e nevojshme hetimore.

Po ashtu, Prokuroria e Shtetit dhe IPK-ja u bëjnë thirrje të gjithë qytetarëve që mund të posedojnë informacione shtesë lidhur me këtë rast t’i përcjellin ato, duke siguruar konfidencë të plotë me rastin e trajtimit të tyre dhe duke siguruar publikun se do të vazhdojë hetimi i këtij rasti me gjithë seriozitetin që e meriton.