Reagon edhe Haxhiu, tregon se është në “grup” të Kurtit

Deputetja e Lëvizjes Vetëvendose, Albulena Haxhiu ka reaguar për kandidimin e të parit të Vetëvendosjes.

Përmes një status në Facebook, ajo thotë se është i papranueshëm kushtëzimi për moskandidimin e Albinit, duke shtuar se këtë e thotë hapur dhe me zë të lartë sa herë është e nevojshme, transmeton Indeksonline.

Ky është statusi i saj:

Demokracia nënkupton edhe shprehje të lirë të vullnetit. Ata që thërrasin për demokraci, duhet ta lejojnë zhvillimin e saj, të mos e pengojnë atë.

Për mua si aktiviste e deputete, është i papranueshëm kushtëzimi për moskandidimin e Albinit, këtë e them hapur dhe me zë të lartë sa herë të jetë nevoja.

Dhe jo vetëm për Albinin, kushëdo që do të kandidoj për Kryetar të Lëvizjes, e ka këtë mundësi bazuar në dokumentet tona themeltare.

Sa më shumë aq më demokratike. Tek e fundit, anëtarësia jonë janë ata që vendosin, jo aklamacioni!/Indeksonline/