Reagon kandidatja e AAK-së për deputete: ” E rëndësishme është kush qesh i fundit”

Kandidatja e AAK-së për deputete, Rrezofat Azemi, ka reaguar pasi shumë qeshën me të qeshurën e saj karakteristike dhe emocionet e shprehura në një tubim elektoral në videon që është bërë virale në internet.

Ajo ka thënë se ashtu qesh dhe se nuk ka komplekse, ndërsa ka shtuar se e rëndësishme është kush qesh i fundit.

“Të nderuar miq, Paskan filluar sulmet kinse për gafe. Unë ashtu qeshi edhe me shokë edhe me familje dhe nuk e kam kompleks. E rëndësishme është kush qesh i fundit, e unë do të gëzohem me qeshje në fitoren e Aleancës dhe Ramushin President”, ka shkruar ajo.

Në një tubim elektoral të AAK-së, ajo ka ngatërruar disa fjali, ndërsa herë pas here ka qeshur me të madhe, ndërkohë që video më pas është shpërndarë pothuajse në të gjitha mediat.

“Nuk e di çka është tu ndodh me mu (qesh). Ndoshta që jam përballë presidentit (qesh)”, ka thënë ajo, duke u ndalur disa herë. “Më falni, nuk muj”, ka thënë ajo.