Reagon Qeveria e Kroacisë ndaj deklaratave të presidentit kroat për Kosovën

Qeveria e Kroacisë ka reaguar ndaj deklaratave të presidentit kroat, Zoran Millanoviq, në lidhje me Kosovën.

Në reagimin e saj, Qeveria Kroacisë ka theksuar se Kosova është shtet i pavarur dhe shtet i njohur nga Kroacia dhe se deklaratat e presidentit Millanoviq nuk janë qëndrim politik i vendit.

“Sa u përket deklaratave të presidentit për çështjen e Kosovës, Kroacia e ka përcaktuar qartë veten dhe ajo që tha ai nuk është qëndrim politik i vendit. Kosova është shtet i pavarur, shtet i njohur nga Kroacia dhe shtet me të cilin kemi marrëdhënie diplomatike” – thuhet në postimin e Qeverisë kroate në Twitter.

PVRH @AndrejPlenkovic: Što se tiče izjava predsjednika države na temu Kosova, Hrvatska se tu jasno odredila i ono što je rekao nije politički stav zemlje. Kosovo je neovisna država, država koju je Hrvatska priznala i država s kojom imamo diplomatske odnose. pic.twitter.com/Pxl9ubT5MJ

— Vlada Republike Hrvatske (@VladaRH) January 30, 2023

Presidenti i Kroacisë, Zoran Millanoviq, ka kritikuar shtetet perëndimore për përdorim të “standardeve të dyfishta” në politikat ndërkombëtare, duke tërhequr paralele mes shpalljes së pavarësisë së Kosovës dhe aneksimit të Krimesë (nga Rusia).