Real Madridi fiton pa problem në udhëtim ndaj Gironas, merr pozitën e liderit në La Liga

Pas humbjes ndaj Atletico Madridit, Real Madridi është rikthyer te fitorja në La Liga, për të rrëmbyer edhe pozitën e liderit në tabelë.

Skuadra e drejtuar nga Carlo Ancelotti triumfoi në udhëtim ndaj Gironas, duke ia shkaktuar këtyre të fundit humbjen e parë për këtë sezon.

“Los Blancos” e fituan takimin me rezultatin e pastër, 0:3.

Joselu Mato (17′), Aurelien Tchouameni (21′) dhe Jude Bellingham (71′) shënuan për fitoren e skuadrës madrilene.

Real Madridi pas kësaj fitore ka 21 pikë në krye të tabelës, një më shumë se Barcelona.

Girona është e treta me 19 pikë.