Reçica tregon se a i kanë votat për ratifikimin e demarkacionit

Deputeti i PDK-së, Elmi Reçica, ka thënë se nesër në Kuvendin e Kosovës marrëveshja e demarkacionit do të kalojë.

“I kemi 78 vota, por jam i bindur edhe kanë me u sigurua edhe votat tjera, të mjaftueshme me kalu demarkacioni”, ka theksuar Reçica.

Sa i përket deputetit të PDK-së, Nait Hasani, që është deklaruar disa herë kundër kësaj marrëveshje, Reçica, thotë se, edhe pse e ka unin e vet, nesër ai do të rreshtohet me deputetët tjerë të PDK-së, që janë pro kësaj marrëveshje.

Reçica ka folur edhe për aneks marrëveshjen mes presidentëve të Kosovës dhe Malit të Zi si dhe raportit të Bulliqit.

“Të trija dokumentet e kanë rëndësinë e vet dhe si të tilla kanë me qenë efektive në momentin e kalimit të kësaj marrëveshje”, është shprehur ai, shkruan Rrokum.tv.

Më tej, deputeti i PDK-së ka përmendur tri prioritetet e partisë së tij në këtë koalicion qeverisës.

“Zhvillimi ekonomik, lufta kundër korrupsionit dhe liberalizimi i vizave”, ka theksuar Reçiqa.