Rekord shikueshmërie në Formula 1, kjo është gara më e ndjekur e 2018-ës
Numri i fansave të Formula 1 që shohin garat përmes televizorit apo rrjeteve sociale është rritur ndjeshëm. Liberty Media, kompania që kontrollon aksionet e Formula 1, ka publikuar sot disa statistika të sezonit 2018 të këtij sporti. Sipas tyre, F1 është sporti që ka pësuar rritjen më të madhe në rrjetet sociale.
Formula 1® TV and digital audience
— F1 Media (@F1Media) January 18, 2019
grow for the second year running #f1 #tv #audience #digital #pressreleases pic.twitter.com/UkIaBarhnS
Në vitin 2018, në 11 garat e Formula 1 kanë qenë 490.2 milionë spektatorë unikë të garave të automobilizimit, një rritje me 10% krahasuar me një vit më parë. Në total, garat e Formula 1, në të gjithë botën janë ndjekur nga 1.775 miliardë njerëz. Brazili, Gjermania e Italia kanë numrin më të madh të tifozëve. Habit Gjermania, pasi aty garat e F1 janë transmetuar vetëm me pagesë (PPV, pay per view-paguaj për ta parë).
Gara më e ndjekur e vitit 2018 ka qenë ajo e Montekarlos, që ka tërhequr vëmendjen e 110 milionë spektatorëve, 10% më shumë krahasuar me një vit më parë. Edhe shikueshmëria në rrjetet sociale të fansave të Formula 1 është rritur me 53% krahasuar me vitin 2017, me 18.5 milionë fansa më shumë.
