Reperi i njohur amerikan vritet në oborrin e shtëpisë

Reperi Huey, 32 vjeç, ka mbetur i vrarë nga të shtënat në St. Louis në mbrëmjen e së enjtes.

Të shtënat ndodhën pak para orës 11 pasdite në bllokun 8100 të Bulevardit Martin Luther King në Kinloch.

Viktima, Lawrence Franks Jr, i njohur me emrin skenik Huey. Ai ishte i njohur më së shumti në komunitetin e repit për debutimin e tij të parë në 2006, “Pop, Lock & Drop It”. 

Policia e Qarkut St Louis identifikoi viktimën 32-vjeçare Lawrence Franks Jr. e Shën Louis.

Policia tha se Franks u dërgua për në spital në një makinë private nga dikush në vendngjarje, por Franks vdiq pasi mbërriti në spital po atë natë. 

Ai ishte qëlluar të paktën një herë, tha policia. Viktima e dytë, ishte një 21 vjeçar.

Të dy u qëlluan në oborrin e përparmë të një shtëpie në bllokun 8100 të Martin Luther King, që mendohet se është shtëpia e familjes së reperit.

Deri në 10 persona mund të kenë qenë dëshmitarë të të shtënave, tha policia, dhe detektivët po kërkojnë nga dëshmitarët që të dëshmojnë për të ndihmuar të gjejnë vrasësin.

Policia e Qarkut St Louis nuk lëshoi ​​asnjë detaj të premten në lidhje me një motivin e mundshëm. Policia gjithashtu nuk ka deklaroi nëse ka ndonjë të dyshuar./Indeksonline/